Bizimlə əlaqə

Xəbər

“Anam bunu bilsə, ürəyi dayanar” – Şahbaz Quliyevin bacısı

Yayımlandı

da

“O, bir gün qapıdan içəri girəcək, boynumuzdan qucaqlayacaq…”

Kəlbəcər rayonunda ermənilər tərəfindən girov götürülən Şahbaz Quliyevin bacısı İradə Quliyevanın Hafiztimes.com-a müsahibəsini təqdim edirik:

– Şahbaz Quliyevdən yeni nə xəbər var?-Qardaşımın səhhətində problemlər vardı. O, bir aya yaxın İrəvanda xəstəxanada müalicə aldı. Ötən ayın 11-də Şahbazı Qarabağdakı həbsxanaya qaytardılar.

Şahbaz bizdən heç nə istəmir. Bizim tək arzumuz onu yenidən azadlıqda görməkdir.

– Sonuncu dəfə qardaşınızdan nə vaxt məktub almısınız?

– Şahbaz İrəvanda olanda məktub yazmışdı. O vaxtdan bəri məktub almamışıq. Biz bu həftə Şahbaza məktub göndərmişik. Yəqin, yaxın günlərdə qardaşımdan da cavab alacağıq.

Biz məktub yox, onun özünü istəyirik. İnanırıq ki, o, bir gün qapımızdan içəri girəcək, boynumuzdan qucaqlayacaq. O gün biz xoşbəxt olacağıq…

– Şahbazın erməni girovluğunda olması barədə xəbəri nə vaxta qədər ananızdan gizlədəcəksiniz?

-Anamız yaşlıdır, xəstədir. Biz bu barədə ona xəbər versək, ürəyi dayanar. O, həmişə Şahbazı soruşur. Deyir ki, “ay bala, heç olmasa imkan versinlər oğlumun səsini eşidim”. Biz də müxtəlif bəhanələrlə onun fikrini dağıdırıq. Şahbaz tezliklə girovluqdan azad olunmalı və gəlib anamızı ziyarət etməlidir.

– Şahbazın ailəsi ilə əlaqə saxlayırsınızmı?

-Tez-tez onlara qonaq gedirəm. Şahbazın həyat yoldaşı və övladı dövlətimizin onlara Müşfiq qəsəbəsində verdiyi evdə yaşayır .

-Qardaşınızın neçə övladı var?

– Bir qızı var. Adı Elzadır. Hazırda 7-ci sinifdə oxuyur.

-Elza atasının girov olduğunu bilir?

-Biz Elzaya hər şeyi demişik. Mən onlara gedən kimi Elza soruşur ki, atam nə vaxt gələcək? Elza hər şeyi başa düşür. Əvvəllər atasının girovluqda olduğunu Elzadan gizlədirdik. Deyirdik ki, sərhəddi keçəndə sənədləri səhv olduğuna görə polislər onu saxlayıblar. Çünki Şahbaz ailəsi ilə birikdə tez-tez Rusiyaya gedib-gəlirdi. İndi bilir ki, atası Kəlbəcərdə girov götürülüb.

Şahbaz girov düşən zaman Elza 4-cü sinifdə oxuyurdu. İndi isə 7-ci sinifdə oxuyur. Ata qız uşağının həyatında böyük rol oynayır. Elza bəzən hamıdan küsür, atasını arzulayır, ağlayır.

-Elza atasına məktub göndərirmi?

-O, atasına tez-tez məktub yazır. Atası da qızına ayrıca məktub yazır. Şahbaz qızı üçün darıxdığını deyir. Elzanın gözəl rəssamlıq qabiliyyəti var. Məktubunda yazır ki, “ata yaxşı şəkillər çəkirəm”. Bəzən atasının şəkilini çəkib özünə göndərir. Atası da ona cavab yazır ki, “qızım, məktəbdə dərslərini yaxşı oxu, ananın sözlərinə bax”.

-Şahbazın həyat yoldaşı nə işlə məşğuldur?

– O, işləyir, maaş alır. Ana-bala əl-ələ verib dolanırlar. Qardaşımın həyat yoldaşı rus dillidir. Artıq Azərbaycan dilində danışmağı öyrənib. Elza evdə onunla Azərbaycan dilində danışır.

Qeyd edək ki, 2014-cü il iyulun 10-da Dilqəm Əsgərov və Şahbaz Quliyev Azərbaycanın işğal altında olan Kəlbəcər torpaqlarında Ermənistan silahlı qüvvələri tərəfindən girov götürülüb. Kəlbəcərə yaxınlarının məzarını ziyarətə gedən kəlbəcərli girovlarla bağlı həmin ilin dekabr ayında qondarma məhkəmə prosesi keçirilib. Separatçı rejimin qərarı ilə qurulan oyuncaq məhkəmə D.Əsgərovu ömürlük, Ş.Quliyevi isə 22 il müddətinə “azadlıqdan məhrum” edib.

Girovların azad edilməsi ilə bağlı bir çox addımlar atılsa da, onları azad etmək hələ mümkün olmayıb. Hazırda onlarla yalnız Beynəlxalq Qızıl Xaç Komitəsinin nümayəndələri vasitəsilə əlaqə saxlanılır.

Hafiz Əhmədov

Reklam
Şərh yazın

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Xəbər

`İnstagram`ın baş direktoru `trol`larla mübarizə yolunu açıqladı (EKSKLÜZİV+FOTO)

Yayımlandı

da

Tərəfindən

“İnstagram”ın baş direktoru Adam Mosseri HafizTimes.com-un sualını cavablandırıb. O, ilk dəfə olaraq “instagram”da dizayn etdikləri yeni bir funksiyadan söhbət açıb: 

– “İnstagram”da “trol”lara qarşı necə mübarizə aparmaq olar?

-Məhdudlaşdırın! Bu yaxınlarda yeni bir funksiyanı işə salmışıq. Bu funksiya sizə icazə verir ki, kiminsə “comment”ni başqaları görmədən öncə təsdiq edə bilərsiniz. Həmçinin də onların sizə göndərdikləri mesajları özləri də bilmədən oxuya bilərsiniz.

Bunu “bullying”in hədəfinə çevrilənlərə kömək etmək üçün dizayn etmişik. Bu funksiya həmçinin “trol”lara qarşı mübarizə üçün də əhəmiyyətlidir.


Qeyd edək ki, Adam Mosseri “instagram”ın baş direktoru, amerikalı sahibkardır. Nyu-Yorkun Çappaqua şəhərində anadan olub, böyüyüb. Medya və informasiya dizaynı sahəsində bilik əldə etmək üçün Nyu-York Universiteti Gallatin İndividuallaşdırılmış Təhsil Məktəbinə daxil olub. 2005-ci ildə informasiya dizaynı ixtisası üzrə məzun olub. Hələ 2003-cü ildə universitetdə təhsil alarkən A. Mosseri, qrafika, sərgi dizaynı ilə bağlı “Blank Mosseri” adlı dizayn konsultasiyalarına başlayıb. Mosseri 2008-ci ildə “Facebook”da dizayneri kimi çalışmağa başlayıb. 2009-cu ildə dizayn üzrə menecer, 2012-ci ildə isə şirkətin mobil tətbiqlərinin dizayn üzrə direktoru olub. 2012-ci ildən 2016-cı ilə qədər Mosseri “Facebook”un “News Feed” bölməsinə rəhbərlik edib. 2016-cı ildən 2018-ci ilin mayına qədər “Facebook”da vitse-prezident vəzifəsində çalışıb. 2018-ci ilin may ayında Mosseri “İnstagram”da vitse-prezident vəzifəsinin icrasına başlayıb.

2018-ci ilin 1 oktyabr tarixində “Facebook” elan edib ki, “İnstagram”ın təsisçiləri Kevin Systrom və Mayk Kriegerin istefa verdikdən sonra Adam Mosseri “İnstagram”ın yeni rəhbəri olacaq. Adam Mosseri həyat yoldaşı Monica Mosseri və iki az yaşlı oğlu ilə birlikdə ilə San-Fransiskoda yaşayır.

Xatırladaq ki, A. Mosseri bir müddət öncə də HafizTimes.com-un sualına cavab göndərib.

Hafiz Əhmədov

HafizTimes.com

Oxuyun

Xəbər

Erməni girovluğundakı Şahbazın səhhəti ağırlaşdı – SON DƏQİQƏ

Yayımlandı

da

Tərəfindən

Kəlbəcərdə ermənilər tərəfindən girov götürülən Azərbaycan vətəndaşı Şahbaz Quliyevin  səhhəti  ağırlaşıb.

Bu barədə HafizTimes.com -a girovun qardaşı İlham Quliyev məlumat verib.

“Şahbaz ailəsinə məktub göndərib. Qardaşımın vəziyyəti ağırlaşıb. O, hazırda Şuşada həbsxana şəraitində müalicə olunur. Şahbaz məktubunda  bu barədə  çox məlumat verməyib. Qardaşım düşmən girovluğundadır. Ona görə çox narahatıq”.

Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb. H. Həsənovun meyiti düşməndən alınaraq Bakıda dəfn edilib.

İşğal altındakı Dağlıq Qarabağda D. Əsgərov və Ş. Quliyev üzərində qanunsuz “məhkəmə” qurulub. “Məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilib.

HafizTimes.com

Oxuyun

Xəbər

“Azərbaycanı görmək istəyirəm”– Müsəlmanları müdafiə edən RİKİ MARTİN (EKSKLÜZİV+FOTO)

Yayımlandı

da

Tərəfindən

Dünya şöhrətli ifaçı  Riki Martin bir neçə gün öncə Yeni Zelandiyada müsəlmanlara qarşı baş vermiş terror aktını törədən şəxsin dünya mətbuatında terrorçu adlandırılmamasına etiraz edib. Müğənni 49 insanın ölümünə səbəb olmuş şəxsin “terrorçu” adlandırılmamasını qınayıb və fikirlərini  belə ifadə edib:

 “40-dan çox müsəlmanı öldürən və 20 nəfəri ağır yaralayan adam. Beynəlxalq mətbuat onu “atıcı” və “ekstremist” adlandırır, amma “terrorçu” demir. Niyə? Çünki o, müsəlman deyil”.

Enrike Martin Morales – Daha çox Riki Martin adı ilə tanınır. 24 dekabr 1971-ci ildə Puerto-Rikonun paytaxtı San Xuan şəhərində psixoloq Enrike Martin Neqoni və maliyyəçi Nereydi Moralesin ailəsində doğulub. Valideynləri onun iki yaşı olanda ayrılıb. Riki katolik ailəsində böyüyüb. Latınamerikan qrupu olan Menudo ilə fəaliyyətə başlayıb. 1991-ci ildə solo-kariyeraya başlayıb. 9 studiya albomu buraxıb. Bütün dünya üzrə bu albomların satış sayı 65 milyonu keçib. Həmçinin Riki Martin xeyriyyə məqsədləri üçün “Riki Martin fondu”nu yaradıb. 48 yaşlı müğənni Riki Martin erməni əsilli rəssam Jvan Yosef ilə ailə həyatı qurub. Qeyd edək ki, bu yaxınlarda onun 3 övadı dünyaya gəlib.

Dünyaca məşhur müğənni Riki Martin HafizTimes.com-a eksklüziv açıqlama verib. O, ilk dəfə olaraq Bakı, Azərbaycanla bağlı fikirlərini bölüşüb:

“Mən heç vaxt Azərbaycanda olmamışam. Azərbaycana getmək üçün gözləyə bilmirəm. Bakı şəhərinin şəkillərinə baxmışam. Möhtəşəm şəhərdi. Azərbaycana getmək istəyərəm”.

Məşhur ifaçı ailəsi ilə bağlı da fikirlərini bölüşüb:

“Ailəmlə birlikdə çox  xoşbəxtəm. Sevgi hər şey deməkdir. Hər kəsə gözəl ailə həyatı arzu edirəm. Mən də həyat yoldaşım, övladlarımla çox xoşbəxtəm. İşlərim çox olur. Ailəmlə vaxt keçirmək məni xoşbəxt edir”.

-Bu yaxınlarda dünyaya gələn ilk qız övladınız Lucia necədir?

 “Lucie çox sağlam və gözəldir. Onun böyüməsinin hər anını izləmək biz-valideynlərini xoşbəxt edir”- deyə ifaçı qeyd edib. 

Qeyd: Bu müsahibənin baş tutması ilə bağlı önəmli məqamı da diqqətinizə çatdırmaq istəyirik. Müsahibə ilə bağlı suallarımızı dəfələrlə göndərməyimizə baxmayaraq, ifaçı sualların silinməsi ilə bağlı məlumat göndərirdi. O, hətta sualların kim tərəfindən və hansı səbəbdən silinməsini izah edə bilmirdi. Apardığımız araşdırma nəticəsində məlum oldu ki, müğənninin həyat yoldaşı erməni əsillidir!

Xatırladaq ki,  bir neçə il öncə Riki Martinin Bakı şəhərində  toyda çıxış etməsi ilə bağlı yalan xəbər yayılmışdı. 

 Hafiz Əhmədov

HafizTimes.com

Oxuyun

Trend yazılar