Bizimlə əlaqə

Xəbər

Əzizə Mustafazadə ilk dəfə oğlundan danışdı: “Bu musiqini onun üçün ifa edirəm” (ÖZƏL+FOTOLAR)

Yayımlandı

da

Azərbaycan Respublikasının Xalq artisti,  „Caz şahzadəsi“ Əzizə Mustafazadə Türkiyədə konsert proqramı ilə çıxış edib. Hafiztimes.com-un verdiyi məlumata görə əfsanəvi cazmen, caz-muğam sintezinin banisi Vaqif Mustafazadənin qızı Əzizə Mustafazadə konsert zamanı sevilən əsərləri ilə yanaşı, yeni yazdığı musiqiləri də ifa edib.

Dünyada “Cazın şahzadəsi” kimi tanınan Əzizə Mustafazadə konsert zamanı yeganə övladı üçün bəstələdiyi musiqini də ifa edib. O, həmçinin ilk dəfə olaraq tamaşaçılar qarşısında oğlu ilə bağlı fikirlərini ifadə edib:

“Mənim bir oğlum var. Adı Ramizxandır. Hazırda 5 yaşı var. Onu çox sevirəm. Bu gün ilk dəfə olaraq Ramizxan üçün yazdığım musiqini ifa edəcəyəm”.

Xanım sənətkarın ifası tamaşaçılar tərəfindən alqışla qarşılanıb.

Əzizə Mustafazadəni müşayət edən musiqiçi Simon Zimbardo bu barədə HafizTimes.com-a açıqlama verib:

“Bizim də bu musiqinin kim üçün bəstələnməsi barədə məlumatımız yox idi. İlk dəfə bu barədə konsertdə eşitdik. Bundan sonrakı bütün konsertlərimizdə Ramizxan üçün yazılmış musiqini də ifa edəcəyik”.

Musiqi festivalının təşkilatçısı, Türkiyənin məşhur müğənnisi Yavuz Bingöl konsertin sonunda səhnəyə çıxıb və Əzizə Mustafazadəyə heyranlığını ifadə edib: “Əzizə Mustafazadə öz torpağının, ölkəsinin musiqisini bənzərsiz və möhtəşəm şəkildə ifa etdi. O,  piyanino və səsi ilə bütün dünyanı yenidən özünə heyran etdi”

Qeyd edək ki, Əzizə Mustafazadə 2010-cü ildə Bakıda olanda kasıb bir ləzgi oğlanı sevib və ikinci dəfə onunla ailə həyatı qurub. Bu nigahdan onların bir oğlu dünyaya gəlib, adını  Ramizxan qoyublar. Hazırda Almaniyada yaşayırlar. (Vaqif Mustafazadənin ailə həyatı, qızları ilə bağlı bir müddət öncə hazırladığımız geniş müsahibəni BURADAN oxuya bilərsiniz).

Hafiz Əhmədov

View this post on Instagram

#azerbaijan #azizamustafazadeh

A post shared by HafizTimes (@hafiztimes) on

Xəbər

`İnstagram`ın rəhbərindən `HafizTimes.com`un sualına cavab: “Onlara borcluyam” (EKSKLÜZİV)

Yayımlandı

da

Tərəfindən

Adam Mosseri  – “İnstagram”ın rəhbəri, amerikalı sahibkar. Nyu-Yorkun Çappaqua şəhərində anadan olub, böyüyüb. Medya və informasiya dizaynı sahəsində bilik əldə etmək üçün Nyu-York Universiteti Gallatin İndividuallaşdırılmış Təhsil Məktəbinə daxil olub. 2005-ci ildə informasiya dizaynı ixtisası üzrə məzun olub. Hələ 2003-cü ildə universitetdə təhsil alarkən A. Mosseri, qrafika, sərgi dizaynı ilə bağlı “Blank Mosseri” adlı dizayn konsultasiyalarına başlayıb.

A. Mosseri 2008-ci ildə “Facebook”da dizayneri kimi çalışmağa başlayıb. 2009-cu ildə dizayn üzrə menecer, 2012-ci ildə isə şirkətin mobil tətbiqlərinin dizayn üzrə direktoru olub. 2012-ci ildən 2016-cı ilə qədər Mosseri “Facebook”un “News Feed” bölməsinə rəhbərlik edib. 2016-cı ildən 2018-ci ilin mayına qədər “Facebook”da vitse-prezident vəzifəsində çalışıb. 2018-ci ilin may ayında Mosseri “İnstagram”da vitse-prezident vəzifəsinin icrasına başlayıb.  2018-ci ilin 1 oktyabr tarixində “Facebook” elan edib ki, “İnstagram”ın təsisçiləri Kevin Systrom və Mayk Kriegerin istefa verdikdən sonra Adam Mosseri “İnstagram”ın yeni rəhbəri olacaq. Adam Mosseri həyat yoldaşı Monica Mosseri və iki az yaşlı oğlu ilə birlikdə  ilə San-Fransiskoda yaşayır. Qeyd edək ki, Kevin Sistrom və Mayk Kriqer 2010-cu ildə “Instagram” foto-video xidmətini yaradıblar, 2012-ci ildə isə Facebook həmin xidməti 1 milyard dollara satın alıb.

“İnstagram”ın rəhbəri Adam Mosseri HafizTimes.com-un sualını da cavablandırıb.

-Niyə “İnstagram”da izləyicilərinizin sayı azdır?

-Soyuq biriyəm. Yəqin ki,  kifayət qədər cəlbedici məlumatlar paylaşmıram.

-Gündəlik olaraq hansı telefondan istifadə edirsiniz?

-Hazırda Not 10 Plus. Əvvəllər stylus qələmindən istifadə etmirdim. Amma bununla storylər üzərində müxtəlif əyləncəli şəkillər çəkirəm. Telefonları tez-tez dəyişdirirəm.

Adam Mosseri atası, qardaşı və övladı ilə birlikdə

-Uğurunuzu nəyə borclusunuz?

-Problemi həll etməyi anamdan, emosional zəkanı atamdan öyrənmişəm. Çox iş, imtiyaz və şans…

-“Like”ların sayının gizli olması nə vaxt mümkün olacaq?

-Hələ də dəqiq deyil.  Hazırda insanların “instagram”ı necə istifadə etdiklərini, dəyişikliklərə necə reaksiya verəcəklərini müəyyən etmək üçün müxtəlif ölkələrdə “like”ları gizli saymaq üçün testlər keçiririk.

-Niyə bəzi şərhlər görünür, digərləri isə görünmür?

-Əla sual! Uzun şərhlərdə sizə ən maraqlısını göstərmək  üçün onları sıralayırıq və aqressiv şərhləri bir pillə aşağıya çəkirik.

-İşinizin ən yaxşı tərəfi nədir?

-Həm dünyada, həm də burada işləyən möhtəşəm insanlarla gözəl vaxt keçirirəm.

-Bir dizaynerin uğurlu menecer olması üçün ən yaxşı məsləhətiniz nədir?

-Bir menecer olaraq insanlar üçün çalışıram. İşim insanların ehtiyacı ilə şirkətin istəkləri arasında üst-üstə düşənləri müəyyən etmək və bunları uğura çevirməkdir. Xüsusilə dizayn menecerləri üçün qeyd etmək istəyərəm ki, dizaynerlər və özəlliklə də karyeralarında daha öndə olanlar özlərinə verdikləri dəyərlə, insanların onların işinə verdikləri dəyəri ayırmaqda çətinlik çəkirlər.  Feedbackin hər şey olduğunu başa düşmələrinə kömək edin. Bu, tənqid deyil dəstəkdir.

-“İnstaqram”ın yaradılmasında sizin də rolunuz varmı?

-Xeyr. Mən yaratmamışam. “İnstagram”ı Kevin və Mikey yaradıb. Hər zaman onlara borcluyam.

-Bir dizayner olmağınız hazırkı mövqeyinizə yüksəlməyinizə necə təsir edib? Sizin kimi olmaq istəyənlər üçün hansı məsləhəti verə bilərsiniz?

-Dizayn problemi həll etməklə bağlıdır: Məqsədinizin nə olduğunu aşkar ifadə etməli, müxtəlif variantları araşdırmalı, istedadlı insanların rəylərini öyrənməli, ticarət əlaqələrini düzgün qiymətləndirməli və sonda bir qərar verməlidirlər. Mən də bunu hər gün işimdə etməliyəm.

-Həyat və işinizi necə balanslaşdırırsınız?

-Əminəm ki, hər səhər və hər axşam iki oğlumla keyfiyyətli vaxt keçirirəm.

-Ən ideal istirahət gününüz necə keçir?

-Yatmaq, oğlanlarımla səhər yeməyi,  ailə ilə birlikdə bir müddət parkda olmaq, qaçmaq və bəzən qəhvə içərkən oxumaq, ailə, dostlarla nahar etmək və sonra Monika ilə film izləməyə getmək…

Hazırda ən sevdiyiniz “instaqram” hesabı nədir?

-Bunu demək çox çətindir. Bəzən jameelajamilofficialın paylaşdıqlarına baxıram.

-Sizi daha çox nə motivasiya edir?

-Bu qədər çox insanı əhatə edən bir yerdə çalışmaq imkanım, möhtəşəm insanlarla işləməyim və işimi çox sevməyim məni daha çox motivasiya edir.

Hafiz Əhmədov

HafizTimes.com

Oxuyun

Xəbər

Erməni girovluğundakı Şahbazın səhhəti ağırlaşdı – SON DƏQİQƏ

Yayımlandı

da

Tərəfindən

Kəlbəcərdə ermənilər tərəfindən girov götürülən Azərbaycan vətəndaşı Şahbaz Quliyevin  səhhəti  ağırlaşıb.

Bu barədə HafizTimes.com -a girovun qardaşı İlham Quliyev məlumat verib.

“Şahbaz ailəsinə məktub göndərib. Qardaşımın vəziyyəti ağırlaşıb. O, hazırda Şuşada həbsxana şəraitində müalicə olunur. Şahbaz məktubunda  bu barədə  çox məlumat verməyib. Qardaşım düşmən girovluğundadır. Ona görə çox narahatıq”.

Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb. H. Həsənovun meyiti düşməndən alınaraq Bakıda dəfn edilib.

İşğal altındakı Dağlıq Qarabağda D. Əsgərov və Ş. Quliyev üzərində qanunsuz “məhkəmə” qurulub. “Məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilib.

HafizTimes.com

Oxuyun

Xəbər

“Azərbaycanı görmək istəyirəm”– Müsəlmanları müdafiə edən RİKİ MARTİN (EKSKLÜZİV+FOTO)

Yayımlandı

da

Tərəfindən

Dünya şöhrətli ifaçı  Riki Martin bir neçə gün öncə Yeni Zelandiyada müsəlmanlara qarşı baş vermiş terror aktını törədən şəxsin dünya mətbuatında terrorçu adlandırılmamasına etiraz edib. Müğənni 49 insanın ölümünə səbəb olmuş şəxsin “terrorçu” adlandırılmamasını qınayıb və fikirlərini  belə ifadə edib:

 “40-dan çox müsəlmanı öldürən və 20 nəfəri ağır yaralayan adam. Beynəlxalq mətbuat onu “atıcı” və “ekstremist” adlandırır, amma “terrorçu” demir. Niyə? Çünki o, müsəlman deyil”.

Enrike Martin Morales – Daha çox Riki Martin adı ilə tanınır. 24 dekabr 1971-ci ildə Puerto-Rikonun paytaxtı San Xuan şəhərində psixoloq Enrike Martin Neqoni və maliyyəçi Nereydi Moralesin ailəsində doğulub. Valideynləri onun iki yaşı olanda ayrılıb. Riki katolik ailəsində böyüyüb. Latınamerikan qrupu olan Menudo ilə fəaliyyətə başlayıb. 1991-ci ildə solo-kariyeraya başlayıb. 9 studiya albomu buraxıb. Bütün dünya üzrə bu albomların satış sayı 65 milyonu keçib. Həmçinin Riki Martin xeyriyyə məqsədləri üçün “Riki Martin fondu”nu yaradıb. 48 yaşlı müğənni Riki Martin erməni əsilli rəssam Jvan Yosef ilə ailə həyatı qurub. Qeyd edək ki, bu yaxınlarda onun 3 övadı dünyaya gəlib.

Dünyaca məşhur müğənni Riki Martin HafizTimes.com-a eksklüziv açıqlama verib. O, ilk dəfə olaraq Bakı, Azərbaycanla bağlı fikirlərini bölüşüb:

“Mən heç vaxt Azərbaycanda olmamışam. Azərbaycana getmək üçün gözləyə bilmirəm. Bakı şəhərinin şəkillərinə baxmışam. Möhtəşəm şəhərdi. Azərbaycana getmək istəyərəm”.

Məşhur ifaçı ailəsi ilə bağlı da fikirlərini bölüşüb:

“Ailəmlə birlikdə çox  xoşbəxtəm. Sevgi hər şey deməkdir. Hər kəsə gözəl ailə həyatı arzu edirəm. Mən də həyat yoldaşım, övladlarımla çox xoşbəxtəm. İşlərim çox olur. Ailəmlə vaxt keçirmək məni xoşbəxt edir”.

-Bu yaxınlarda dünyaya gələn ilk qız övladınız Lucia necədir?

 “Lucie çox sağlam və gözəldir. Onun böyüməsinin hər anını izləmək biz-valideynlərini xoşbəxt edir”- deyə ifaçı qeyd edib. 

Qeyd: Bu müsahibənin baş tutması ilə bağlı önəmli məqamı da diqqətinizə çatdırmaq istəyirik. Müsahibə ilə bağlı suallarımızı dəfələrlə göndərməyimizə baxmayaraq, ifaçı sualların silinməsi ilə bağlı məlumat göndərirdi. O, hətta sualların kim tərəfindən və hansı səbəbdən silinməsini izah edə bilmirdi. Apardığımız araşdırma nəticəsində məlum oldu ki, müğənninin həyat yoldaşı erməni əsillidir!

Xatırladaq ki,  bir neçə il öncə Riki Martinin Bakı şəhərində  toyda çıxış etməsi ilə bağlı yalan xəbər yayılmışdı. 

 Hafiz Əhmədov

HafizTimes.com

Oxuyun

Trend yazılar